Sankalp Swaraj Ka: Vishawa Jeet Sharma

Ek sham Chawri bazaar se New Delhi Station aatey waqt jab mein ramlila maidan pahuncha to Loudspeaker par  ek bujurg ki aawaz sunayi padi,”Rehney ku mandir mein ek chota sa kamra hai,do bartan hain ,Sarkar se Karodo rupey ki yojna banwayi par koi bank VJbalance nahin hai,Hamarey desh mein jab swaraj aayega tab hi sachhi lokshahi ka nirmaan hoga, Swaraj matlab desh ke akhiri vyakti ki vyavastha mein bhagidari” Jigyasa vash usey sunaney aayi bheedh ka mai kab  hissa ho gaya pata hi nahin chala ,aur SWARAJ ki wo pukar AAJ bhi merey kano mein goonjti rehti hai.

Us din se har roz mai Ramlila maidan do teen ghantey nikaal gar janey laga, aisa ehsaas hota tha mano kisi chintan shivir mein aatm santushti ke liyey ja raha hun.Bari bari se sabko suntan raha aur ek sankalp liya ki Desh/Vyavastha parivartan ki muheem mein jo kuch bhi yogdan kar paaya karunga aur iskey liyey Social Media se jyada behtar koi madhyam mujhey nahin laga ek hi jagah par baithey baithey kai logon tak apni baat pahunchaney ka saral madhyam to  mainey facebook par anpni beti se mera page banwaya aur uskey sanchalan ka tarika sikha, tab se aaj tak satat aviraam badaltey huey paripeksh mein apni tippaniyon ko char lino ke madhyam se patal par lata chala aaya hoon.

Janlokpal Bill,IAC,FWAC ke daur se gujar kar Aam Aadmi Party ke nirman mein sehbhagi ho gaya aur 26 Nov 2012 ko Arvind Bhai ke aahwaan par, 10 rupey ka form bharkar AAP ke founder member honay ka gaurav hasil hua.

Ek baat to usi din se tai thi ki ladayee lambi hai aur apney swarth ke liyey hai,Swarth achey desh ka,swarth achi vyavastha ka,swarth apni aaney wali peediyon ko jawaab deney ka ki jab parivartan ki bayaar bahi thi to mai bhi usmein shamil tha.Is beech Jantar Mantar se Arvind Bhai dwara likhi SWARAJ kitab Kharidi aur padkar prabhavit hua.

 

Facebook par hi ek din august mahiney mein mainey dekha Bhai Redij raj gill ki post par pucha gaya ki Delhi Mein METRO ko kaisey AAP ke prachaar ke liyey istemaal kiya ja sakta hai? mainey sujhav diya AAP METRO WAVE bananey ka aur apna yogdaan kavya roop mein kisi bhi ghatna ko samagrahit kar batane ka.Nateejatan mujhey uskey sanchalan aur Content Creator ki jimmedari di gayi,us karya mein jut gaya.aisa mehsoos hua ki sirf FB par hi nahin Zameen par bhi jana hoga aur jyada se jyada logon ko batana hoga AAP ke barey mein so phal swaroop har shaniwar/itwaar sham ko do teen ghanteu Rajiv Chowk mein AAp ki topiyan batney lagey aur AAP ka prachaar karya shuru kiya ,phir Auto Campaign mein yog daan diya.

Delhi ke chunaav ghoshit huey,prachaar ki kadi mein Firozshah Kotla maidaan mein parcham lehraney 20-25 volunteers ke saath pahunch gaya,wahan 4-5 Volunteer ko Police ne zabardasti tang karney ke uddeshyey se pakad liya,tai yeh hua ki kuch volunteer maidaan mein AAP ka prachaar kareingey aur kuch pakdey huey volunteer ka bachav,Dono hi karya safalta poorvak purn huey.AAP legal cell ki mustaidi ka dhanyawad jisney samay par bachaav kiya aur Volunteers ka hausla aur dugna kar diya.

Ek din mann mein vichaar aaya ki apni Vidhan Sabha ke pratyashi se mila jayey aur unko phone kar milney ka samay maanga, office mein jaakar guton mein vibhajit volunteers ke vajah se kharab sthithi ka jayza leney mein tanik der na lagi so faisla kiya ki ab apni VS ke liyey karya karoonga aur us din se lagataar Door to Door mein apna yogdaan detey huey kareeb 25,000 dwarzey khatkhatayey.Viprit sthithiyon mein jo ban pada wo kiya aur karya puri tanmayta se purn kiya.

Gutbaazi ke chaltey aur CP office ke samarthan se ek naya office khula LS ke naam par jiska virodh kiya nateejatan kisi ne LS chunaav mein bulaya tak nahin phir bhi apney sthar par karya karta raha aur chunaav ke din pehley to ghar se voters list dekhkar voter ki sahayta ki phir matdaan Kendra par chala gaya aur ek samarpit Volunteer Ms SHAKSHI aur unki team ki sahayata karta raha.

Chunav natejey ki baad bhi CP office mein shikayatein darz karwata raa do office ko lekar par koi nateeja nahin nikla,Whan se bhejey gayey Observers ko avgat  karwaya par koi faida nahin hua. Ek volunteer Ramesh Mohan ne kaha tha agar dus din mein yeh samasya hal nahin hui to mein yahan se chala jaunga aaj wo LS observer baney huey hain aur samasya jas ki tas hai,phir doosrey observer Ajay tomer se charcha hui aur wo bhi kuch kar paney ki sthithi mein nahin hain,Vichitr se baat hai Volunteers mein rosh badta jar aha hai aur doosrey office ko kiska aisa samrthan prapt hai ki wo bandh hi nahin ho paa raha hai.Koi jawaab nahin deta hai?Cp mein Karan Bhai se bhi shikayat ki par jab unhoney ismein dilchaspi dikhayai tab tak wo bhi nishkriyey kar diyey gayey.

Merey jawab maangney par unhoney apni asamarthta jatayi aur milkar vistruth charcha karney par samajh mein aa gaya ki Volunteer ki party mein koi aukaat nahin hai, koi aawaz nahin hai ,chand logon ke chungal mein sara AAP ka sanchalan hai to phir ek pran liya Volunteerr ki aawaaz ko jagah dilaney aur us SWARAJ ko sthapit karney (Jis ko mainey Ramlila Maidaan mein suna tha aur Arvind ki kitaab mein padah tha) ke liyey ab kuch yatan karney hi padengey so usi kaam mein lag gaya hoon.


https://www.facebook.com/mitrr

2 Responses to Sankalp Swaraj Ka: Vishawa Jeet Sharma

  1. Makoda Lal August 6, 2014 at 12:00 pm #

    Avam will win

    • Geetanjali August 7, 2014 at 2:59 pm #

      very nicely written.

Leave a Reply